Драма во Маврово: Тројца насилници нападнале британски велосипедист, едвај успеал да извлече жива глава
Основното јавно обвинителство - Гостивар координира интензивна потрага по лицата кои вчера нападнале британски државјанин на патот од одморалиштето Бунец кон Маврово.
Како што соопшти, надлежен јавен обвинител земал изјава од оштетениот и издал наредби во насока на расветлување на настанот.
Британскиот велосипедист бил пресретнат и нападнат од три непознати лица кои, според неговиот исказ, го врзале и го внеле во возило и во исто време му ги одзеле платежните картички што ги поседувал. Искористувајќи момент кога бил сам, со еден од напаѓачите, британскиот државјанин се ослободил и на напаѓачот му задал неколку удари со нож што го имал во себе.
Откако избегал во блиската шума, преку социјалните мрежи ги алармирал родителите и пријателите.
Тие се обратиле до британската полиција која преку Британската амбасада во Скопје ја известила Полициската станица Гостивар, по што веднаш била иницирана потрага по него.
Оштетениот е пронајден во близина на каменоломот Пелагонија денеска во раните утрински часови.
Ново на Сител
-
Излезноста до 11 часот на избирачките места во Кочанско е околу 13 отсто
-
Сончево, попладне со услови за краткотраен дожд
-
Излезноста до 11 часот е 12.78 отсто
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто