Македонија
6. October 2017 - 14:50

Драма на тетовскиот универзитет: Професор се обидел да се самоубие во ходникот

Триесет и три годишниот А.Ф. од Нераште, вчера во ходникот на Ректоратот во приземјето на Државниот тетовски универзитет, каде бил професор, во два наврати се обидел со жилет да ги пресече вените.

-Најпрво од секретарот на Универзитетот, а потоа и од лице од обезбедувањето бил спречен во намерата и му биле одземени жилетите, а тој воопшто не се повредил, по што бил внесен во канцеларијата на секретарот и подоцна бил пренесен  во тетовската клиничка болница, информираат од СВР Тетово.

Полициски службеници на СВР Тетово го фотодокументирале местото, разговарале со А.Ф. и се работи на целосно расветлување на случајот.