-->
-->
Дончевски во Скадар да ги бодри „рисовите“
-->
Натпреварот во Скадар против домашната селекција на Албанија не само што ќе го означи стартот на новиот квалификациски циклус за СП во Русија туку и буди спомени кај оние кои ја пишуваа историјата на македонскиот репрезентативен фудбал.
Прв меѓу нив секако е првиот селектор на националниот тим Андон Дончевски под чие водство Македонија ја совлада Албанија во Тетово со 5-1:
„Како денеска се сеќавам на тој натпревар бидејќи беше специфичен од повеќе аспекти. Тогашниот претседател на ФСМ , Љубисав Иванов Ѕинго ме праша што мислиш Дончо да играме со Албанија во Тетово....А јас му одговори одлично претседателе, мислиш на наше Тетово...тогаш зошто да не играме....
Средбата се одигра во одличен амбиент а ние започнавме одлично. Серијата голови ја стартуваше Неџмедин Мемеди уште во 20-тата минута. Два гола постигна Ванчо Мицевски а по еден Зоран Бошковски - Чоко и Марјан Стојковски.
Игравме полетно, ефинасно и тоа е една од нашите најубедливи победи“- се сеќава Андон Дончевски кој во Скадар е гостин на ФФМ.
Дончевски е одушевен од гостопримството во Скадар, мирен град, убав со убави шеталишта и многу млади луѓе и преубави девојки.
„Пријатно сум изненаден од развојот на Албанија. Јас живеам во Австралија и ја искористив оваа можност при посетата на нашата земја да дојдам со репрезентацијата во Скадар. Очигледно е дека се развиваат и фудбалски и економски. Но и ние имаме коњи за трка и затоа вечерва очекувам неизвесен меч“- оптимист е чичко Дончо.
Заедничкото кафе го испивме со колегите Бошко Тасиќ и Ласте Димитриевски.
Од Скадар Зоран Николовски.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово