Доколку Хилари победи на изборите „Фондацијата Клинтон“ ќе се откаже од странските донатори
Фондацијата на семејството Клинтон ќе се откаже од прифаќање подароци од странски лица и корпорации, доколку Хилари Клинтон победи на претседателските избори во ноември, соопшти портпаролот на Фондацијата, цитиран од светските агенции.
Поранешниот американски претседател Бил Клинтон на вработените им соопштил дека доколку Хилари победи на изборите тој ќе поднесе оставка од раководството на Фондацијата, која во иднина ќе прима средства само од американски граѓани и независни добротворни здруженија.
Поранешниот шеф на држава, исто така, објавил дека во септември ќе биде одржана последната, 12-та по ред, годишна иницијатива на Фондацијата, која собира лидери на држави и бизнисмени, за да разгледаат теми како сиромаштијата, здравствената заштита, развојот...
Добротворната фондација беше основана од Клинтон во 2001 година, откако тој ја напушти Белата куќа. Оттогаш организацијата успеа да привлече над две милијарди долари, вклучувајќи ги и парите од политичките поддржувачи на семејството Клинтон, како Саудиска Арабија, што постојно е многу критикувано од републиканците.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто