Договорот со кредиторите доставен до грчкиот Парламент
Текстот на договорот меѓу Грција и нејзините кредитори за третиот пакет помош во вредност од 85 милијарди долари, доцна синоќа е доставен на усвојување до грчкиот Парламент.
За да стапи во сила договорот треба да биде одобрен од Парламентот во Атина, министрите за финансии на членките на еврзоната и од законодавните тела на неколку земји од Европската монетарна унија.
Грчкиот премиер Алексис Ципрас вчера побара Парламентот да го одобри договорот до четврток. Во писмо испратено до претседателката на Парламентот, Зои Констандопулу, Ципрас бара од неа договорот во текот на денов да им биде поделен на пратениците и по него да дебатираат парламентарните комисии, а веќе утре да биде ставен на гласање.
Според извори во грчкиот Парламент, како што објавија медиумите од Атина, седниците на парламентраните комисии за разгледување на договорот би можеле да се одржат утре, по што во текот на ноќта меѓу четврток и петок пратениците би дебатирале и би се изјасниле по текстот.
Грчката Влада сака договорот да биде ратификуван од Парламентот во текот на утрешниот ден, со цел тој да биде одобрен на средбата на министрите за финансии од еврозоната акажана в петок и Грција да ја добие првата транша од помошта навреме за исплата на ратата од долгот кон Европската централна банка што доспева на 20 август.
Во исто време, синдикатот ПАМЕ, близок до Комунистичката партија на Грција најави протест пред Парламентот во четврток, повикувајќи ги Грците да се спротивстават на договорот, кој е оквалификуван како „Армагедон за работниците и народната класа“.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација