Сепак тоа звучи премногу оптимистички, имајќи предвид дека средбата во Белата куќа ќе трае само половина час, како и колосалните грчки економски проблеми, прашање е колку простор и време ќе може да му се посвети на името.

 

Во меѓувреме, Друцас потврди - Грција во Америка не однесе нови идеи за решавање на спорот за името со Македонија. По средбата меѓу Папандреу и Клинтон, Друцас со став - ставовите на Атина се познати.

 

- Немаше нови размислувања. Ова е добра можност, вчерашната средба со Клинтон и денешната со Барак Обама, за да се разговара за прашања од особен интерес за Грција: развојот на кипарското прашање, грчко - турските односи, и се разбира, прашањето за името на Поранешната Југословенска Република Македонија. Но грчките позиции за сите овие прашања се јасни и добро познати, и јасно е дека во овој контекст се одвиваат разговори - изјави Друцас.

 

И додека Клинтон на подиумот во Стејт Департментот кокетираше со пофалните изјави пред Папандреу, споменувајќи го 9 пати Балканот и ниту еднаш Македонија, оптимистичка порака пристигна од Брисел. Еврокомесарот Фуле пред Комитетот за надворешни работи на Парламентот повтори дека кај македонските политичари видел волја и фокусираност за решение, констатирајќи дека по средбите Груевски - Папандреу и посетата на Нимиц, сега постои прозорец на можности за решение на спорот со името.

 

Во контекст на односите Грција - Македонија, денеска во Меѓународниот суд на правдата во Хаг се сретнаа претставниците на Грција и Македонија, протоколарно, околу одредување на термините за почетокот на усната расправа, која ќе следува по разгледувањето на претставките од свете страни.