Како резултат на поројните врнежи од дожд според утринските мерења забележано е повторно покачување на нивото на Охридското езеро и тоа за еден сантиметар и моментално се наоѓа на 26 сантиметри над максималната дозволена кота.

 

Од Координативното тело за превенција најавија дека водотеците пред се во сливот на реката Црн Дрим имаат тренд на опаѓање, од портите на реката Црн Дрим во Струга се испуштаат 66 метри кубни вода во секунда.

 

Денеска од Советничката група на ВМРО-ДПМНЕ поради развојот на настаните во Охрид околу отпатувањето на градоначалникот на Охрид и неговата делегација во Австралија во најлош можен тајминг за градот побараа од претседателот на Советот на општина Охрид согласно член 42 од Деловникот за работа на Советот на една единствена точка на дневен ред -Информација за патување на Градоначалникот на Охрид и неговата делегација во Австралија.

 

Инаку за утре група граѓани од Охрид најавија протест пред општинската зграда по повод заминувањето на охридскиот градоначалник во Австралија во моменти кога му е најпотребен на градот и на неговите сограѓани.