Авторите на „Скопје 2014“ против нестручните критики

08.02.2010 - 15:02 |

Македонија

Не ја девалвирајте вредноста на нашите трудови пред да ја видите финалната верзија.

Авторите на скулптурите, дел од проектот „Скопје 2014“ енергично се спротивствавуваат на како што велат, неаргументираните и нестручни критки, кои во изминативе денови беа упатувани на нивна сметка.

Авторите се исклучиво задоволни од леарницата која општина Центар ја одбра за изработка на спомениците додавајќи дека скултури од истата го красат Кремељ и улиците на Ватикан.

Сите кои ја критикуваат нивната работа, ги покануваат, на јавна дебата каде би ги соочиле аргументите.
Поддршка за „Скопје 2014“ стигна и од старите скопјани. Велат, изгледот на новото Скопје им ги навраќа спомените од младоста и со нетрпение очекуваат да се прошетаат по реновираниот плоштад.

И додека реакциите по промоцијата на проектот не стивнуваат, на плоштадот и по Кејот на реката Вардар се гради со полна пареа. Во моментов се поставуваат постаментите, а за помалку од два месеца, се очекува да биде поставена и првата скулптура.

Александар Спасовски