Милошоски , во интервју за бриселскиот неделник Европски глас, изразува чувство на фрустрираност од грчката блокада поради нерелевантни причини.

- Ако Грција не го наметнеше своето билатерално прашање на Македонија, денеска земјата ќе беше на пат да стане членка (на ЕУ) заедно со Хрватска. Грција знае дека фактите и правдата се на наша страна во спорот со името - вели Милошоски.

Европски глас потсетува дека Македонија е земја-кандидат за членство во ЕУ од 2005-та година, но дека отворањето на пристапните преговори е спречено од Грција.