Цената била иста со онаа на јужниот сосед, но грижата за нив таму била далеку поголема. Иако бројот на пловни објекти во последните години значително се зголемил, во инфраструктурата ништо не е финансирано. Газдите велат дека на ривиерата нема ниту бензиска станица каде ќе може да се пријде со чамец и да се дотури гориво. Сега тоа се прави кој како ќе се снајде и на небезбеден начин.

Кризата очигледно ги погодила и побогатите, па за разлика од 2008 година кога биле продадени над десетина полуксузни глисери годинава едвај се продале 6. Иако и цените се паднати граѓаните сеуште пловните објекти ги сметале за луксуз.

Се намалил интересот и за луксузирање на лизинг. Продавачите на јахти велат дека условите биле затегнати. Но од финансиските компании убедуваат дека лизингот значително е поевтинет, но кризата си го направила своето. За разлика од пред две години и тие забележале страшен пад на бизнисот со финансирање во пловни објекти.

Цените на пловните објекти кои се нудат на домашниот пазар се движат од 5 до 50 илјади евра. Покрај трошоците за пловидба, транспорт и дополнителна опрема, сопствениците треба да издвојат и до 500 евра за да платат влегување во охридскиот канал.

Борче Пауновски