Кошарка
22. February 2016 - 18:10

Дирк Новицки стана шестиот играч во НБА кој стигнал до 29.000 поени

 
 
Најдобриот германски кошар Дирк Новицки уште еднаш влезе во историјата на светската кошарка, односно најдобрата светска лига НБА. 
 
Новицки на синоќешниот натпревар на кој неговата екипа Далас славеше победа над Филаделфијапартиципираше со вкупно 18 постигнати поени, а некаде на половина од мечот постигнувајќи го својот 10-ти поени, тој стигна до бројката од вкупно 29.000 поени чостигнати во НБА кариерата.
 
Со тоа Германецот стана шестиот играч во изторијата на НБА кој стигна до таа бројка.
 
На  37-годишниот Новицки сега цел му е бројката над 30.000 поени и евентуално да го мине легендарниот Вилт Џемберлејн кој со вкупно 31.419 постигнати поени е на петото место на вечната листа. А, на неа лидер е Карим Абдул-Џабар со 38.387 пред, Карл Мелоун со 36.928, Коби Брајант кој досега има постигнато 33.290 и годинава со заврпувањето на сезоната најави пензионирање, и Мајкл Џордан кој кариерата ја заврши со 32.292 поени.