Дејли телеграф: Постоел руски заговор за убиство на Ѓукановиќ
Русија планирала да го убие поранешниот премиер на Црна Гора, Мило Ѓукановиќ и да ја собори неговата влада во минатата година, објави Дејли телеграф повикувајќи се на извор во Владата на Британија.
Во текстот се наведува дека државниот удар на денот на парламентарните избори го воделе руски разузнавачи со поддршка од Москва за да го саботираат планот на Подгорица да влезе во НАТО.
Тие планирале заземање на зградата на Собранието и убиство на Ѓукановиќ. Дејли телеграф наведува дека планот е спречен само неколку часа пред да биде спроведен и требало да предизвика крвопролевање и да ја воведе државата во немири пред нејзиното зачленуавње во НАТО.
– Обидот за државен удар во Црна Гора планиран за 16 октомври минатата година е пример на зголемена агресивна кампања за мешање во работите на Западот, изјави изворот од британската Влада. Шефот на дипломатијата Борис Џонсон и неговиот американски колега Рекс Тилерсон разговарале минатата недела на својата прва средба за случувањата во Црна Гора, објави весникот.
Ново на Сител
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово