Даунинг стрит 10: Фараж нема да биде посредник меѓу Лондон и Трамп
Кабинетот на британскиот премиер Тереза Меј категорично ги отфрли како неточни тврдењата дека привремениот лидер на антиевропската Партија за независност на Обединето кралство (УКИП) Најџел Фараж ќе биде посредник меѓу владата во Лондон и администрацијата на Доналд Трамп.
- На Владата не и потребно да го користи Најџел Фараж за врски со Доналд Трамп и неговата администрација, изјави претставник на Даунинг стрит 10.
Демантот доаѓа откако неколку лондонски медиуми објавија дека Фараж ќе ја „советува Владата за воспоставување дијалог“ со новоизбраниот претседател на САД, затоа што „министрите конзервативци, немаат врски со американските републиканци“.
Фараж, кој сега времено е одново на чело на УКИП до изборот на нов лидер на партијата, агитираше во Велика Британија за Трамп, а во текот на летото беше во САД каде на еден митинг ги повика Американците да гласаат за републиканскиот кандидат.
Во авторски текст во лондонски „Ивнинг Стандард„ Фараж на еден ден пред изборите во САД тврдеше дека Трамп е подобар кандидат од демократот Хилари Клинтон.
„Тој (Трамп) не е совршен и има што да му се забележи, но сепак треба да се поддржи затоа што тој носи промени, напиша Фараж.
Лондонските медими, повикивајќи се на извори во Даунинг стрит 10, пишуваат дека министрите биле „длабоко повредени“ од тврдењето за посредувањето на Фараж, што се објаснува со намерата на премиерот да не му се даде на УКИП можност да ја користи за свои потреби победата на Трамп.
Проториевскиот „Дејли Телеграф„ открива дека актуелната премиерка Тереза Меј ќе настојува со Трамп да изгради односи, какви што во осумдесетите години на 20 век имаше Маргарет Тачер со тогашниот претседател на САД, Роналд Реган.
Даунинг стрит 10 објави дека во текот на нивниот вчерашен телефонски разговор, Трамп веќе ја поканил Меј да го посети Вашингтон,.
Најџел Фараж денеска и самиот ја отфрли можноста да се појави во улогата на посредник на Владата.
- Не сакам да соработувам со ниту еден ториевски министер за било што, изјави привремениот лидер на УКИП.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација