Свет
13. January 2017 - 20:57

Данска го зголемува буџетот за војската

Данска, членка на НАТО, има намера да го зголеми воениот буџет, како одговор на руското распоредување на ракетите во Балтичкиот регион, изјави денеска данскиот министер за одбрана Клаус Хјорт Фредериксен. 

Тој во интервјуто за дневниот весник „Берлингске“ истакна дека и покрај притисокот на сојузниците во НАТО, вклучително и Доналд Трамп, Данска не може да даде повеќе од два отсто од БДП за членство во НАТО. 

Според него, воениот буџет ќе се зголеми бидејќи е забележано дека Русија распоредува нови ракети кои можат да достигнат од Каљинград до Копенхаген  „што е сериозен ризик“. 

Тој додаде дека во 2016 година Данска потрошила околу 1,2 отсто од БДП за одбрана.