Дачиќ против условување на дијалогот со Приштина со присуството на САД
Министерот за надворешни работи на Србија, Ивица Дачиќ денеска ја отфрли изјавата на косовскиот премиер Рамуш Харадинај дека дијалогот меѓу Белград и Приштина може да продолжи само со поголемо учество на САД.
Одговарајќи на новинарско прашање на Белградскиот безбедоносен форум, во врска со изјавата на Харадинај дека преговорите со Белград не се можни без учество на Вашингтон, Дачиќ истакна дека е добро познато оти со резолуција на ОН дијалогот со Приштина е префрлен од Обединетите нации во Брисел.
- Што се однесува до нас, ние сме за тоа тој да се врати во ОН, но ние не сме тука да го запираме дијалогот, туку треба да го поттикнуваме. Изјавата на Харадинај е за внатрешно-политичка употреба на Приштина, нагласи Дачиќ.
Косовскиот премиер Рамуш Харадинај најави изработка на нова платформа за дијалогот со Белград и додаде дека е невозможно да се продолжи дијалогот „доколку и Америка не е на масата".
Минатата недела претседателот на Косово, Хашим Тачи изјави дека од потпретседателот на САД, Мајк Пенс добил ветување дека САД ќе бидат директно вклучени во дијалогот меѓу Приштина и Белград.
Портпаролката на Европската служба за надворешни работи, Маја Коцијанчич истакна дека „дијалогот меѓу Белград и Приштина со посредство на ЕУ секогаш ја има поддршката од САД и таа соработка ќе продолжи понатаму“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово