ЦСКА пресилна за Перо и дружината
Кошаркарите на Црвена звезда претрпеа тежок пораз од ЦСКА Москва 59:85 (10:22, 17:22, 7:21, 25:20) во рамките на седмото коло во Евролигата.
Црвена звезда го одигра најлошиот меч во досегашниот тек од сезоната. Иако ја добија последната четвртина, тие во ниту еден момент не успеаја да им парираат на гостите од Москва.
ЦСКА импресионира со играта во одбрана, во првите три четвртини на Црвена звезда ѝ дозволи да постигне само 34 поени. Во еден момент во третиот период ЦСКА имаше предност од 33 поени.
Перо Антиќ, по пауза од два меча, се врати во составот на белградскиот тим, на теренот мина 21 минута и забележа 9 поени, 5 скока. Македонскиот интернационалец имаше лоша шутерска вечер, погоди два од седумте обиди (една двојка и една тројка), а погоди четири од петте слободни фрлања.
Тејлор Рочести ја предводеше Црвена звезда со 15 поени и 5 асистенции, а Џејмс Фелдин забележа 12 поени и по 3 скока и асистенции.
Кај ЦСКА се истакнаа Нандо де Коло со 16 поени, Кајл Хајнс со 13 поени и 7 скока, односно Серхио Родригез со 11 поени и 9 асистенции.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка