Свет
20. September 2016 - 14:26

Црвен крст: Во нападот на хуманитарниот конвој во Сирија убиени 20 цивили

Во воздушниот напад кај Алепо на камионите кои превезувале хуманитарна помош, убиени се 20 цивили, како и член на Црвениот крст, соопшти денеска таа организација.

- Околу 20 цивили и еден член на Сирискиот арапски Црвен крст се убиени додека од камионите ја истоварувале виталната хуманитарна помош, се неведува во соопштението.

Меѓународната федерација на Црцениот крст и црвената полумесечина наведоа дека е погодено и едно скалдиште во Орум ал Кубра, во провинцијата Алепо.

Во меѓувреме, Кремљ соопшти дека руската војска ги проверува медиумските извештаи за вчерашните воздушни напади врз хуманитарен конвој, по што ќе следува изјава за ова прашање.