Свет
10. January 2017 - 16:04

Црвен крст: Студовите во Европа се тешко искушение за бегалците

Студовите во Европа се сериозно искушение за бегалците и мигрантите кои пристигнаа на континетот, се наведува во декларацијата на Меѓународната федерација на Црвениот крст и Црвената полумесечина. 

Барателите за азил и бегалците кои живеат во кампови и спијат на улица се подложени на висок ризик во цела Европа, се вели во документот објавен денеска во Женева. 

Во него, како што јави ТАСС, се истакнува дека доброволци од Федерацијата работат во кампови во цела Европа „каде луѓето страдаат поради лошите услови“. 

Регионалниот директор на Федерацијата за Европа Сајмон Мисири посочи дека суровите временски услови ги зголемуваат тешкотиите на мигрантите и претставуваат опасност за нив.