Ципрас: Олеснувањето на должничкиот статус клуч за глобалниот развој
Грчкиот премиер Алексис Ципрас изјави синоќа пред Генералното собрание на Обединетите нации дека светот не може да зборува за глобалниот развој, а да не се допре прашањето за реструктуирање на долговите.
Темата на собирот е глобалниот план за развој во следните 15 години со цел да се елиминира сиромаштијата, но новоизбраниот грчки премиер смета дека светот не може да се носи со тоа „се додека не бидеме во можност да разговараме за тоа како да ги изградиме или да ги унапредиме државите на благосостојба наместо да ги уништуваме“.
Грција уште од 2010 година зависи од финансиската помош на своите европски партнери и Меѓународниот монетарен фонд.
Ципрас истакна од говорницата на Генералното собрание на ОН дека економската криза во еврозоната го намалила Бруто домашниот производ во неговата земја за 25 отсто.
Тој должењето го нарече “предизвик во суштината на нашиот глобален финансиски систем“.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана