Ципрас: Грција ги исполнува своите обврски во бегалската криза
Грција ги исполнува своите обврски во врска со управувањето со бегалската криза, изјави грчкиот премиер Алексис Ципрас за објавувањето на извештајот на Европската комисија, во кој на земјата и се дава негативна оценка за примената на Шенгенскиот договор, информираа грчките медиуми.
Во извештајот на Грција и се упати закана со нејзино привремено исклучување од Шенгенскиот простор, доколку за три месеца не направи поефикасна контрола долж надворешните граници на Европската унија и не ги подобри процедурите за идентификација на бегалците и мигрантите.
- Грција се надминува себе си за да ги испочитува своите обврски и очекуваме од сите да го направат истото, изјави владиниот портпарол Олга Геровасили, коментирајќи го извештајот.
Таа истакна дека „клучот за управувањето со бегалскиот прилив се наоѓа во Турција и во почитувањето од нејзина страна на договореното“.
- Договорот со Турција досега не даде резултат, кажа уште Олга Геровасили и додаде дека Грција повеќе пати инсистирала на зголемување на човечкиот потенцијал во европската агенција за управување со надворешните граници на ЕУ (Фронтекс).
Геровасили посочи дека не се реализира програмата за раселување, како што беше договорена на Европскиот совет на 23 септември, и дека од 160.000 бегалци само 414 биле раселени.
- Прашањето е многу сериозно и тактиката на взаемни обвинувања не го прави ефикасно решавањето на овој проблем со историска големина, за кој се бараат заеднички дејствија на земјите од Европа, уште изјави портпаролката на грчката Влада.
Ново на Сител
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје