Балкан
3. November 2016 - 10:58

Ципрас го отвори Евро-арапскиот самит во Атина

Денешниот самит, кој се одржува во еден критичен момент за грчката економија, во време на обнова, но, исто така, и во критично време за стабилноста во поширокиот регион, може да придонесе во повеќе сектори, изјави грчкиот премиер Алексис Ципрас во Атина на отворањето на самитот ЕУ-арапски свет „Партнери за раст и развој“.

Како што јави дописникот на МИА од Атина, Ципас ја истакна важноста на Самитот што се одржува во Грција, земја која, според него, „излегува од шестгодишната криза, цврсто надградувајќи ја својата улога како столб на мирот, стабилноста и безбедноста во регионот“.

На евро-арапската средба ќе се разгедуваат новите можности за соработка меѓу ЕУ и арапските земји, економкската трансформација на арапскиот свет, создавањето нови перспективи во областа на енергетиката и перспективите на Грција во областа на претприемништвото и инвестициите.