Живот
7. October 2017 - 11:18

Чудесна појава: Мистерозна светлина на небото ги исплаши жителите

Сите оние кои синоќа ја набљудувале полната Месечина во Кина имаа можност да видат тир огромни огнени топки на небото.

Според пишувањето на медиумите, станува збор за три метеори кои експлодирале над провинциајта Јунан во Кина.

Експлозијата во еден момент целосно го осветли небото, а набљудувачите рекоа дека во тие 5 секунди изгледало како да светнало Сонцето.

Снимките од експлозијата набрзо ги преплавија кинеските социјални мрежи, а експертите наведуваат дека метеорите слетале во мало село на околу 40 километри оддалеченост од округот Шангри-Ла.

Локалните жители рекле дека слушнале силен звук и почувствуале тресење на земјата. Нивните свињи наводно биле толку уплашени, што почнале да бегаат.

Експлозијата ја набљудувала и НАСА, која неведува дека во тој момент се ослободени околу 0.54 килотони енергија, што е еквивалентно на 540 тони ТНТ.