Четири лица загинаа во невреме во Турција
Четири лица загинаа во снежна бура, која вчера ја погоди Турција, соопштија турските власти.
Во јужната провинција Мерсин бурата беше проследена со ветер со брзина до сто километри на час, при што беа урнати електрични столбови и дрва, соопшти локалниот метеоролошки директорат.
Во дистриктот Акдениз смртно настрада 28-годишна жена, кога поради ветер стебло се урна на неа, јави Анадолија.
Во северната провинција Трабзон загина 71-годишен маж, врз чија куќа се урна карпа, по што се евакуирани 14 домаќинства.
Невремето го зафати и североисточниот дел на Турција, а во провинциата Артвин загина едно лице, врз кое се урнало стебло додека работел на фарма.
Жртва на невремето во Турција беше и 55-годишна мајка на четири деца од провинцијата Ардахан, во источниот дел на земјата.
Силен ветер беше забележан и во провинциите Риза, Невсехир, Сивас, Јозгат, Сирт, Ерзурум и Ерзицан.
Според најавите на метеоролозите времето треба да се стабилизира денеска попладне.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари