Ракомет
24. November 2016 - 14:17

Червар: Не очекува уште еден тежок дуел

Македонскиот ракометен вицешампион Металург во претходното коло постигна важна победа на гости кај Елверум и со шест бодови ја надмина бројката на освоеми бодови од ланската сезона.

 Тренерот на Металург Лино Червар за новиот предизвик на неговата екипа дуелот во недела со Татран Прешов на денешниот прес напомена:
- Тоа е сериозен ривал, од кого загубивме на првиот дуел во Словачка, иако имавме добар старт и водство. Не изненадија со одбраната 4-2, но очекувам пак да играат 6-0 со нивните високи играчи во зоната. Ние морама да ја подобриме играта во одбрана, Како што видовте сменувме нешто во играта и постигнуваме многу голови. Воедно играме атрактивно и агресивно, Металург има „нова приказна“. Ова што го играме е дел од тоа што ќе треба да биде и настапот на репрезентацијата. Но, најважно од се ако сакаме победа мора да мислиме на колективната игра, на тимот.
Ново име во тимот на Металург е Вања Илиќ, кој во текот на сезоната дојде во редовите на клубот од Автокоманда.
- Два тешки дуели се зад нас. Татран Прешов е незгоден ривал и мораме 60 минути да играме концентрирано имаме шанса за победа и се надевам дека публиката ќе се израдува на триумф.
На пресот тренерот Лино Червар напомена дека состојбата со повредените е неизвесна. Мартин Велковски се повреди на дуелот со Вардар во вторникот, додека Марко Нелоски вчера тренирал со тимот не неговиот настап е неизвесен. Секако отсуството на двајцата ја намалува ротацијата на надворешната линија, сепак Червар истакна дека до недела кога се игра дуелот има и доволно време некој од нив да биде на располагање.
Натпреварот се игра во ВИП Арената на СЦ „Борис Трајковски“ со поечток во 17:30 часот.