Свет
4. March 2017 - 13:13

Челик: ЕУ не исполни ниту едно ветување

Турскиот министер за европски прашања Јомер Челик во интервју за австрискиот неделник „Профилџ“ ги критикува „двојните стандарди“ на Европска унија.

- Турција преживеа еден обид за пуч, поминува низ тешко време, но ЕУ до сега не покажа солидарност, истакна Челик.

Тој наведе и дека ЕУ не се придржува до ниту еден договор со Турција.

- Ние снабдуваме три милиони бегалци од Сирија, а ниту една земја членка на ЕУ не сака да прими ниту 3.000, а нас ни држат лекции за човекови права, истакна Челик.

Тој додаде дека е лага да се тврди оти Турција набрзо ќе ги испрати мигрантите во правец на Европа.

Челик ги демантираше и тврдењата дека постои план за враќање на смртната казна во Турција.

Турскиот министер за европски прашања  посебно се пожали на „непријатното однесување“ на шефот на австриската дипломатија Себастијан Курц кон неговата држава.

- Тој не ја врши својата работа како што треба. Курц дејствува како да живее во Австро-унгарската монархија, обвини Челик.