Балкан
15. јуни 2017 - 18:34

Чавушоглу: Турција не зазема страна во спорот меѓу Катар и соседите од Заливот

Турција не зазема страна во спорот меѓу Катар и нејзините соседи од Заливот, изјави денеска шефот на турската дипломатијата, Мевлут Чавушоглу, цитиран од британските медиуми.

-Турција стои на иста дистанца и од Катар и од Саудиска Арабија, кажа Чавушоглу, цитиран од кувајтскиот весник „Ал Кабас“.

Турскиот министер за надворешни работи се наѓа во посета на Кувајт.

Тој посочи дека санкциите, наметнати врз  Доха од Саудиска Арабија, Обединетите Арапски Емирати, Бахреин и Египет заради претпоставената поддршка за тероризмот, не се праведни, информира „Ал Кабас“.