Бугарија и Турција ќе ја зајакнуваат енергетската соработка
Премиерите на Турција и Бугарија, Бинали Јилдирим и Бојко Борисов денеска во Истанбул оценија дека развојот на инфраструктурата за дистрибуција на гас, која би опфатила повеќе земји од Балканот и Европа, ќе придонесе за поголема енергетска сигурност на европскиот континент.
Како што јави БТА, на средбата одржана на маргините на 22-от Светски нафтен конгрес во Истанбул, Јилдирим и Борисов оценија дека Бугарија и Турција со нивната географска положба имаат клучно значење во транзитот на енергетски ресурси кон Европа.
Борисов нагласи дека од тој аспек од клучно значење би било поврзувањето на системите за дистирбуција на гас на Бугарија и Турција и ја истакна поддршката на Софија за изградбата на „Јужниот гасен коридор“ преку турска територија.
- Турција е една од земјите со клучна улога во изградбата на овој коридор. Ние ја изразуваме нашата поддршка и многу активно ќе работиме на негова реализација, изјави Борисов.
На средбата Јилдирим-Борисов присуствуваше и турскиот министер за енергетика и природни ресурси Берат Албајрак.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар