Брекзит нема да влијае на германскиот буџет
Германската владина коалиција денеска се согласи владата да не се откажува од плановите за балансиран буџет во наредниве четири години и покрај нестабилноста којашто ја донесе одлуката на Велика Британија да ја напушти ЕУ.
Германската Влада се надева дека спроведување на плановите за постепено зголемување на трошењето без да се креира нов долг до 2020 година ќе испрати сигнал за одговорност и континуитет, јавува дописникот на МИА од Берлин.
За разлика од Германија, британскиот министер за финансии Џорџ Озборн по референдумот за напуштање на ЕУ најави дека неговата влада се откажува од целта до 2020 година да го намали буџетскиот дефицит.
Со оглед на стабилните даночни приходи коишто се должат на рекордната вработеност, ултра ниските трошоци за рефинансирање кои што се поддржани со мерките на Европската Централна Банка, Германија може да го зголемува трошењето без да создава нови долгови. Германската влада очекува вкупниот јавен долг да го намали под 60 отсто до 2020 со што по првпат по 2002 година ќе ги достигне критериумите поставени од Пактот за Стабилност и раст на ЕУ.
Дилемите за тоа дали Германија може да продолжи со балансиран буџет без да го зголеми јавниот долг се појавија по приемот на 1,1 милион бегалци за чие сместување, образование и други потреби во наредниве години владата ќе потроши десетици милијарди евра.
Ново на Сител
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите
-
До 9 часот во Дебар еден отсто, во Центар Жупа 1,9 отсто излезеност