Борисов: Ние сме за единствена Македонија и за нејзино членство во НАТО и ЕУ
Ние сме за единствена Македонија и за нејзино членство во НАТО и ЕУ, истакна бугарскиот премиер Бојко Борисов по денешната средба во Софија со претседателот на македонската Влада Зоран Заев.
Борисов нагласи дека Македонија веќе внатрешно-политички е стабилизирана и оти има историска шанса да направи нејзините граѓани да се чувствуваат подобро.
- Патот кон ЕУ и НАТО минува низ внатрешно-политичка стабилност. Ги почитувам луѓето кои си стојат на зборот, рече Борисов, објаснувајќи оти ноќта на 27 април за време на нередите во македонското Собрание во телефонски разговор Заев му кажал дека ако стане премиер прво ќе ја посети Софија и тоа сега го исполнува.
Борисов истакна и дека е многу важно да има инфраструктурна поврзаност меѓу двете земји. Вети дека ќе работи со Грција да се решат сите отворени прашања.
Македонскиот премиер Заев нагласи дека Бугарија како прв сосед сака да и помогне на Македонија да се интегрира во НАТО и ЕУ.
Посочи дека со Борисов разговарале и ги приближиле ставовите во врска со договорот за добрососедство и оти е договорено заедничко чествување на Илинден во Македонија на 2 август. Тогаш со Борисов и ќе го потпишат договорот за добрососедство.
Договорени се и други чекори за соработка. Предвидено е по една улица во Скопје и во Софија да ги носат имињата на поранешните претседатели на Бугарија Жељу Желев и на Македонија Борис Трајковски. Тоа е израз на почит и на големо пријателство, истакна Заев.
Македонскиот премиер очекува помош од Бугарија и во користењето на фондовите на ЕУ.
- Искуството на Бугарија е многу корисно за нашите европерспективи. Сакаме да ги почнеме преговорите со ЕУ, а исто така и да станеме членка на НАТО. Пријателска Бугарија ќе ни биде од голема помош на тој пат, изјави Заев.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти