Бочварски и Шилегов на средба со граѓаните во штипската населба Автокоманда
Кандидатот за градоначалник на Штип од СДСМ Благој Бочварски денеска заедно со идниот градоначалник на Град Скопје Петре Шилегов беа во посета на штипската населба Автокоманда.
Бочварски вети дека ќе се укине наплатата на паркинг местата во населбата Автокоманда и околу Градскиот пазар, а проблемот со паркирањето и сообраќајниот хаос, како што рече, ќе го реши со изградба на монтажна катна гаража.
- Имаме уште многу други проекти, асфалтирање на дел од улиците „Солидарност“ и „Браќа Даневи“, покривање на каналот на улицата „Панче Караѓозов“, детската градинка која што е во многу ужасна состојба, а дворот на градинката ќе го уредиме. Секоја уништена површина, која е во шут и ѓубре ќе биде еко површина, истакна Бочварски.
Шилегов истакна дека е во Штип за да му ја даде поддршката на Бочварски и ги охрабри штипјани масовно да излезат на избирачките места на 29-ти октомври.
- Штип е зрел за промени. Граѓаните на Штип заслужуваат поквалитетна локална самоуправа, која ќе ги разбира нивните потреби и ќе ги решава нивните проблеми, рече Шилегов. Тој истакна дека како идни градоначалници на Скопје и на Штип ќе разменуваат искуства со цел да има развој, подобар и поквалитетен живот за граѓаните.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните