Живот
28. February 2017 - 11:15

БМВ-то во коешто Тупак беше убиен, оди на продажба

На порталот „Момент ин Тајм“ се појави оглас за продажба на автомобилот БМВ 7 (Е38), во кој беше застрелан познатиот рапер Тупак Шакур. Возилото чини 1,5 милиони долари.

Раперот беше убиен во 1996 година, додека тој се наоѓал на предното седиште. Почина неколку дена подоцна. Убијците никогаш не беа откриени.

По настанот, автомобилот беше конфискуван од полицијата, а потоа и продаден на аукција. Оттогаш тој имаше неколку сопственици, и неопходниот технички преглед, но трагите од куршуми од внатрешната страна на вратата кај совозачкото седиште, се намерно оставени, заради „автентичноста“.

Бројот на поминати километри на автомобилот изнесува 145.000.

Лани беше продаден и „Хамер“-от на Тупак, за 340 000 долари.