Блокада за депонирање на комуналниот смет од тетовските општини
Жители од неколку села кои гравитираат околу депонијата Русино, синоќа го блокираа транспорот и депонирањето на комунален смет од тетовскиот регион. Тие се незадоволни од непочитувањето на нивните барања кои претходно беа договорени со локалните самоуправи од полошкиот регион.
Од синоќа пред полноќ, жители на Сушица, Симница, Ѓоновица, Долна и Горна Бањица поставија барикади од автомобили, камиони и земјоделска механизација и не ги пропуштија камионите кои требаше да истоварат смет на депонијата.
- Не се почитува договорот. Камионите требаше да се движат во ноќните часови по локалниот пат, а не преку целиот ден. Ниту едно од нашите барања, на чие исполнување градоначалниците се обврзаа со договор, не е исполнето. Нема да ги пропуштаме камионите, тоа е ставот на повеќе месни заедници, беше кажано на протестниот собир.
Блокадите според најавите ќе продолжат и денеска, со што ќе биде оневозможено депонирањето на комуналниот смет од тетовскиот регион.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација