Бизнисмени од Либан заинтересирани за инвестирање во Македонија
Бизнисмени од Блискиот Исток ја избраа Македонија како можна земја за реализација на инвестиции во енергетиката, минералните суровини, туризмот, малите и средни претпријатија.
Тие ќе престојуваат два дена во земјава и ќе испитуваат различни дестинации за инвестирање, а денеска имаа средба со министерот за економија Крешник Бектеши. Рекоа дека се тука за да се информираат од прва рака за законодавството и за условите кои ги нудат слободни економски зони.
Како што соопшти Министерството за економија, делегацијата ја предводи Самер Соуфан, претседател на Советот на бизнисмени од Либан, а во неа се претставници од девет големи либански компании.
- Македонија е вистинската дестинација за инвестирање, а либанските инвестиции се добредојдени. Би отвориле ново поглавје во нашата соработка со Либан и Блискиот Исток, рече Бектеши кој на средбата ја информира либанската делегација за можностите за инвестирање во Македонија.
Предочи и дека со реформите кои ги презема Владата се создава уште поповолна бизнис клима.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација