Бесплатно изучување на рускиот јазик во новиот руски културен центар
Бесплатно изучување на рускиот јазик за сите граѓани. Отворен е рускиот културен центар во рамки на универзитетот Свети Кирил и Методиј.
Јазикот кој го говорат над 150 милиони луѓе, руската литература, книжевност и историја ќе ја предваат домашни но и руски професори. Центарот ќе биде обезбеден со книги, списанија, дигитална опрема и видеоматеријали на руски јазик.
- Македонија е 46-та земја која добива Руски центар, а тој е 106-та членка во мрежата, изјави Велимир Стојковски-ректор на УКИМ.
-Верувам дека центарот ќе им помогне на македонските граѓани, особено на младите луѓе, подобро да се запознаат и да ги сфатат минатото и сегашноста на Русија, нејзините повеќевековни духовни корени и традиционални вредности кои многу се битни за нашите народи и денес, изјви Олег Шербак-руски амбасадор.
Руската федерација е голем стратешки , политички, економски поддржувач на земјава, вели министерката за култура која смета дека со отворањето на вакви центри се зајакнува и културната соработката меѓу двете држави.
- Наскоро ќе ја потпишеме и новата Програма за соработка во областа на културата, образованието, науката и спортот за периодот 2016-2019 година во чии рамки планираме реализација на повеќе комплексни активности, заеднички програми и проекти кои ќе бидат наш придонес во градењето на патот на заемното македонско-руското културно пријателство, изјави министерката за култура.
Рускиот е четврти ценар во рамки на УКИМ, по центрите за италијански, турски и кинески јазик.Руски се изучува и катедрата на филиолошкиот факултет на која годишно се запишуваат по десетина студенти.
-
Весна Ќуксановиќ
Сите содржини од овој новинар