-->
-->
Берлин ќе добие нова влада, АФД освои 22 пратенички места
-->
Одличниот резултат на националистичката Алтернатива за Германија (АФД) која освои над 13% од гласовите на изборите во главниот град Берлин ќе предизвика промена во покраинската влада.
Наместо коалицијата меѓу Социјалдемократите (СПД) и Христијанските - Демократи (ЦДУ) кои го водеа Берлин во последните 5 години во иднина СПД ќе мора да бара нови партнери , најверојатно меѓу „Левицата“ и „Зелените“ кои што освоија по околу 16 % од гласовите.
Во парламентот на Берлин (кој заедно со Бремен и Хамбург се единствени градови - покраини) влегуваат и „Слободните демократи“ (ФДП) и националистите од АФД кои што ќе имаат 22 од вкупно 149 пратенички места, јавува дописникот на МИА од Берлин.
Значителен број на гласови освои и „Партијата на пиратите“, околу 1,7 %, а сите останати партии околу 6,5 %.
За да формира стабилна влада старо новиот градоначалник Михаел Милер од СПД која освои 23 % од гласовите , мора да внесе уште најмалку две партии во новата влада.
Со оглед на тоа што заедно со ЦДУ имаат само 66 пратеници а потребни се 75 за мнозинство, во игра е коалцијата на СПД со „Зелените“ и „Левицата“ при што новата влада ќе има вкупно 89 пратенички места.
Втората варијанта која е помалку очекувана е коалиција на СПД со ЦДУ и „Зелените“ при што би се дошло до стабилна покраинска влада со 92 пратенички места.
Без разлика на составот на новата влада на мултикултурниот Берлин, и партиите и аналитичарите подемот на АФД, која засега влезе во 10 од 16 германски покраински парламенти, се смета за опасност за германската политичка стабилност и враќање на национал - социјализмот.
-->
-->
-->
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите