Берлин ги повика Грција и Турција да ги решат проблемите во Егејско Море за справување со бегалците
Берлин ги повика Грција и Турција да ги решат билатералните спорови во Егејско Море, со цел да се спречи трговијата со луѓе и да биде смирен бранот бегалци кон Европа, а со тоа и кон Германија, пренесуваат грчките медиуми.
Портпаролот на германската влада Штефан Зајберт изјави дека ситуацијата во Егејско Море меѓу Грција и Турција е таква, како границите меѓу двете земји да се отворени, во смисла дека шверцерите таму можат да дејствуваат како што сакаат, а тоа изложува голем број луѓе на непосредна опасноста за нивните животи.
- Тоа е нешто што треба да се промени. За таа цел се неопходни координирани напори на надворешните граници на ЕУ, а тоа може да се случи, ако Турција и Грција, две земји членки на НАТО, соработуваат рака за рака, истакна Зајберт.
Според Зајберт неопходо е да бидат прогонети шверцерите со луѓе од Егејско Море, за да може да се врши нормална регистрација на бегалците, кои пристигнуваат на надворешните граници на ЕУ, што сега не се случува.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња