Бебето на починатата родилка во стабилна здравствена состојба, комисија ќе го истражува случајот
Бебето чија мајка почина на 18 јануари за време на породувањето во приватната болница „Санте плус“ во Скопје, кое оттаму било донесено на Клиниката за детски болести, е во релативно стабилна здравствена состојба, прима терапија и се уште е приклучено на респиратор.
Ова за МИА го изјави директорката на Клиниката за детски болести, Катерина Ставриќ.
Од Клиниката за анестезија, реанимација и интензивно лекување (КАРИЛ) ЗА МИА информираа дека 31-годишната родилка од Кичево која од приватната болница била препратена кај нив, била донесена почината, по што телото е испратено на судско-медицинска обдукција.
Во врска со случајот со починатата родилка, Министерството за здравство информира дека се преземени сите законски мерки кои се во нивна надлежност, со цел комплетно испитување на случајот.
- За таа цел, веднаш беше формирана комисија за стручен надзор, која веќе го анализира од стручен аспект целокупниот третман на пациентката. По извршениот стручен надзор, извештајот од Комисијата се доставува до сите надлежни институции, а воедно јавноста ќе биде соодветно информирана, посочија од Министерството. /МИА
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите