Баша: Рама создаде држава на криминалот
Лидерот на албанската опозициска Демократска партија, Љуљзим Баша, го обвини актуелениот премиер на Албаија, Еди Рама дека е поврзан со организираниот криминал и дека се плаши од слободни и фер избори.
- Светот на криминалот е единствена надеж за Еди Рама за да се спаси од судот на изборите. Рама се обидува да ја одбрани државата на криминал што тој ја создаде и со која владее овие четири години, рече Баша. во обраќањето од шаторите поставени пред албанската Владата, каде опозицијата протестира од 18 февруари.
Како што јави дописникот на МИА, изјавта на Баша следеше по пораката на Рама дека формирањето техничка влада, што го бара опозицијата, нема да се случи и оти парламентарните избори во земјата ќе се одржат на 18 јуни, дури и ако на нив не учествуваат опозициските партии.
Баша посочи дека Владата на Рама единствено е во слжуба на криминалот, а ни најмалку во служба на граѓаните и нивната благосостојба.
Тој уште еднаш повтори дека услов за решавање на политичката криза во земјата е формирање техничка влада.
- Нашиот услов, за кој нема преговори, е слободни и фер избори, кои не може да бидат организирани од Влада и премиер, кои се поврзани со главата и со нозете на криминалот. На техничката влада ќе и бидат доволни само сто дена за да ги раскине сите врски на земјата со организираниот криминал, смета лидерот на албанските демократи.
Според Баша, Албанците не се поделени, туку се единствени како никогаш до сега и од ден на ден се „се повоинствени во барањето за слободни избори, што во исто време ќе значи и нивна слобода“.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје