Бајрам Берат: Со платформата на албанските партии се кршат правата на другите етнички заедници

Партијата за интеграција на Ромите во Република Македонија ги следи настаните што се случуваат во врска со објавувањето на таканаречената Платформа на албанските политички партии каде според нив тоа сенивните црвени линии преку кои не може да се премине.

-Тоа всушност е уцена на мнозинскиот народ во Република Македонија дека без нив не може да се состави Влада. Како Роми, а посебно како политичка партија мислиме дека двојазичноста и нејзиното функционирање на територија на цела Република Македонија значи вовед во бинационална држава. Тоа го сфаќаме дека ние, останатите заедници во Македонија, ќе ги изгубиме своите уставни права, вели Бајрам Берат претседател на  Партијата за интеграција на Ромите.