Австралијанец уапсен поради продажба на делови за севернокорејски ракети
Јужнокореец роден во Сиднеј, денеска е уапсен под обвинение дека работел како економски агент за Севрна Кореја во Австралија, како и дека посредувал во продажба на делови за балистички ракети, во вредност од десетина милиони долари.
Австралиската сојузна полиција соопшти дека натурализираниот Австралијанец, Чан Хан Чои (59) користел шифрирана комуникација при посредувањето во продажбата на компјутерски софтвер за наведување на балистички ракети, како и на трансфер на јаглен од Северна Кореја во Индонезија и во Виетнам.
Тој е обвинет дека работел спротивно на санкциите на Обединети нации и на Австралија кон Северна Кореја. Австралиската полиција соопшти дека владите на Индонезија и на Виетнам или нивни претставници не се вмешани во трансферот на јаглен.
Чан е прв човек што Австралија го обвинува по уредбата за оружје за масовно уништување и може да биде осуден на 10 години затвор.
Австралиската полиција почнала да го следи Чан откако добила дојава.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО