Австралија воведе алатка за жртвите на т.н. одмазничко порно
Австралија воведе национална алатка, наменета да им помогне на жртвите на „одмазничко порно“.
Одмазничко порно или злоупотреба базирана на слики, е споделувањето на експлицитни слики без согласност на личноста која е на нив.
Алатката на австралиската Влада, всушност е национален портал, кој обезбедува совети за тоа како да бидат отстранети спорните слики, известување на властите за злоупотребата и почнување правна постапка.
Австралискиот комесар за еБезбедност изјави дека 20 отсто од Австралијанците на возраст меѓу 16 и 49 години биле изложени на злоупотреба на нивни експлицитни слики на Интернет.
Австралискиот министер за комуникации Мич Фајфилд соопшти дека 4,8 милиони долари се вложени во порталот, за кој изјави дека е прв од таков вид во светот. Такви портали има повеќе, но најчесто тие се дело на невладини организации. Фајфилд, исто така, соопшти дека Владата размислува за воведување граѓански казни за сторителите на вакви дела и за веб страниците кои ги објавуваат спорните слики.
Одмазничкото порно е нелегално во Велика Британија, Канада, Нов Зеланд и Јапонија, како и во повеќето американски држави.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар