Спорт плус
30. August 2017 - 11:24

Атлетска трка за 8.септември

„Трчај, играј, активирај се“ е мотото под кое на 6 септември Агенцијата за млади и спорт на кејот на реката Вардар ќе организира спортско-рекреативен настан во пресрет на 8 Септември, Денот на независноста на Република Македонија.
 
Централна активност на настанот ќе биде рекреативна атлетска трка, која ќе започне од каналот на Вардар (општина Карпош, кај карпата за искачување) во 17 часот, а ќе заврши кај Градската плажа (општина Центар). Пријавете се така што ќе го пополните соодветниот формулар (http://bit.ly/2wRZptc) или на телефон: 075 254 734. Повикот за аплицирање за учество на настанот ќе биде отворен до 4.9.2017 (понеделник) до 20 часот.
 
Секој од учесниците во трката е одговорен за својата физичка подготвеност и здравствената состојба.
 
Во рамките на настанот ќе биде организирана и еколошка акција за чистење на кејот на Вардар, како и спортски активности: одбојка на песок, кајак, крос фит, искачување на карпа, скејт-активности.