Спорт плус
17. February 2018 - 19:53

Атлетичарот Дарио Ивановски со нов македонски рекорд на 3.000 метри во сала

Македонскиот репрезнтативец атлетичар Дарио Ивановски постави нов македонски рекорд на патеката од 3.000 метри во сала. На Балканскиот шампионат што се одржува во Истанбул, македонскиот репрезентативец Ивановски истрча одлична трка во која во најголем дел беше и на водечката позиција.
Ивановски трката ја истрча за 8:14.44 минути  и го подобри сопствениот и македонски рекорд кој досега изнесуваше 8:28.54 минути поставен лани. 
Тој заврши на 4.место и остана без медал и доколку го освоеше успехот ќе беше комплетен.
Инаку на трката во Истанбул на 3.000 метри победи Езлан Бибиќ од Србија (8:08.34 минути), пред Адриан Горчеа од Романија и Иван Попов од Бугарија.
Дарио Ивановски за неколку дена го очекува и настапот на Светското првенство во атлетика во сала во Бирмингем каде ќе трча во трката на 1.500 метри.
Трката на Ивановски во Истанбул може да ја погледнете на следниот линк.