Атина потврди дека двајца од напаѓачите во Париз поминале низ Грција
Грчкиот заменик министер за цивилна заштита Никос Тоскас потврди дека двајца од терористите вклучени во нападите во Париз поминале од островот Лерос во октомври, но предупреди приливот на бегалците да не се поврзува со тероризмот.
- Имаше два инциденти за кои соработувавме со француските власти, и кои се идентификувани во рекордно време. Тие поминале преку Лерос во почетокот на октомври и учествувале во терористичките напади во Париз, изјави Тоскас за радиото „ Реал ФМ“ коментирајќи ги информациите дека некои од терористите што ги извршија нападите во Париз поминале низ Грција.
- Французите побараа информации, а ние им дадовме, бидејќи има добра идентификација во Лерос и ја потврдивме таа информација. Но, ние зборуваме за два случаи меѓу 500.000 луѓе кои пристигнаа од почетокот на оваа година, додаде грчкиот функционер.
На новинарско прашање дали Грција има преземено зголемени безбедносни мерки по нападите, Тоскас рече дека идентификација на островите е потемелна и оти е зголемена безбедноста, меѓу другото, околу области и објекти кои масовно се посетуваат, амбасадите на одредени земји и некои компании.
- Имаме преземено засилени мерки во центрите за идентификација на островите каде се спроведуваат повеќе проверки и се обидуваме да ги подобриме. Секогаш има простор за подобрување, рече Тоскас и доаде дека има и соработка со други земји.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка