АСИ

ВОНВРЕМЕНСКА ЉУБОВНА ПРИКАЗНА –  „АСИ“

Кога ќе се разбудат духовите од минатото, љубовта се претвора во драма.

Семејните гревови ќе се исправат пред  силната љубов на две млади души.  Распнати помеѓу гордоста и љубовта, Аси и Демир ќе мораат  да се изборат за својата среќа.

Епската драма „ Аси“  е една од оние приказни што се паметат засекогаш. 

Серијата  е базирана на романот на Џејн Остин  „Гордост и предрасуди“,  снимана е Антакија  -магичен град  близу Средоземното море, има фантастична фотографија,  а посебна вредност  на серијата и даваат преубавата оригинална музика и извонредната актерска екипа  со Туба Бујукустун ( Аси ) и Мурат Јилдирим ( Демир ) во главните улоги.

Приказната започнува во селската област Антакија низ која тече реката Аси која го носи истото име како и нашата хероина.

После долги години отсуство, Демир се враќа во родното место како богат човек. Доаѓа да ги открие околностите под кои неговата мајка настрадала во минатото.

Неговото доаѓање ќе го промени животот на Аси засекогаш.  Демир веднаш ќе ја забележи преубавата Аси.  Сепак тајните од минатото многу брзо ќе испливаат на површина и ќе донесат немир во двете семејства.  Нивната љубов ќе стане невозможна.

 Драматична љубовна приказна, преполна со емоции која никого нема да остави рамнодушен.

  Ексклузивно на Сител - „ Аси“.