АРМ: Успешно реализирана вежба по стандардите на НАТО за меѓусебна интероперабилност
Со показната вежба „Кордон и потрага“ припадниците од армиите на земјите учесници на воената вежба „Здружена реакција-17” денеска ги реализираа завршните активности.
Како што информираа од АРМ, единици на воена полиција од Армијата на Република Македонија, армиите на Албанија, Босна и Херцеговина, Црна Гора и од Националните гарди на сојузните држави на САД, Вермонт и Минесота, пред голем број на посетители ја изведоа показна вежба на која ја демонстрираа меѓусебната интероперабилност во постапките согласно стандардите на НАТО.
На полигонот на Криволак покрај командантот на Здружената оперативна команда (ЗОК), бригаден генерал Зоран Милески, присуствуваа претставници од асоцијацијата на воени аташеи акредитирани во Република Македонија, команданти на единиците на АРМ и други високи гости од МО и ГШ на АРМ.
Вежбата „Здружена реакција-17“ во изминатите неколку денови овозможи размена на способности и искуства со цел зголемување на меѓусебното разбирање на воено полициските капацитети на вооружените сили од А5 иницијативата.
Од АРМ информираат дека од понеделник Армијата на Македонија отпочнува со воената вежба „Македонски блесок 13“ на која ќе се изврши НАТО реоценување Ниво 2 на средна пешадиска баталјонска група и оценување на лесна маневарска болница со улога -2, како и НАТО оценување Ниво 2 на ренџерска чета.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација