Апликација за пониска сметка за струја, првонаградена на Иновативен камп за средношколци
Решение за намалување на сметката за електрична енергија е првонаградена на Иновативниот камп - натпревар на средношколци во претприемачки вештини, што се одржа вчера во организација на Џуниор ачивмент Македонија, дел од глобалната мрежа Junior Achievements Worldwide.
За натпреварот беа пријавени 140 ученици од 28 средни училишта од Македонија. Победничката апликација ја изработи групата под реден број 4 составена од учениците: Викторија Димитриевска и Дарио Петроски (Скопје), Ирена Илиева (Струмица), Надица Крстева (Кавадарци), Ахмеда Мустафова (Берово) и Никола Петрески (Охрид).
Според бизнис планот, нивната компанија која нуди услуга во вид на апликација, може да им помогне на сите кои сакаат да купат нов електричен производ, за поволна цена, а едновремено да ја намали и сумата на нивната сметка за електрична енергија. Апликацијата има цел да ги подредува електричните производи по најмала потрошувачка на електрична енергија и со тоа да придонесе за енергетската ефикасност во заедницата, а и семејниот буџет, заштедувајќи електрична енергија.
Втората награда припадна на група ученици со бизнис план за самоодржливи возови и третата награда на ученици со бизнис идеја за еколошко производство на обновлива енергија.
Програмата во Македонија е поддржана од УСАИД. Натпреварот е дел од програмата за Ученички компании, која ќе се спроведува во средните училишта во текот на целата учебна година.
Ново на Сител
-
СПM не е изненадена од одлуката со која Јакимовски и Јанева се ставени на Црната листа на САД
-
Нотингем Форест казнет со четири бодови
-
Агелер: САД ќе продолжат да ги именуваат функционерите вклучени во корупција
-
Тепачка на фудбалски натпревар во Богомила: Се степале двете екипи и публиката
-
Нападнат возач на ЈСП
-
Кабинет на Тренчевска: Велковски без конкретни информации излегува со лажни обвиненија
-
Kaтица Јанева и Стевче Јакимовски завршија на црната листа на САД
-
Јакимовски ја потврди кандидатурата за претседател пред Државната изборна комисија