Апел од ФК Вардар до навивачите: Дојдете порано за навреме да влезете
Фудбалскиот клуб Вардар во пресрет на утрешниот дуел со Реал Сосиедад од Лигата на Европа ги повика навивачите кои утре ќе бидат присутни на средбата со Реал Сосиедад, порано да дојдат на Стадионот за да може навреме да влезат.
- Интересот за натпреварот помеѓу Вардар и Реал Сосиедад е голем. Затоа Фудбалскиот клуб Вардар апелира сите гледачи да дојдат на стадионот порано. Во спротивно клубот не може да гарантира навремен влез на стадионот. Вратите на стадионот се затвораат во 18:30 часот, половина час пред почетокот на дуелот.
Апелираме на сите посетители на стадионот дека седењето на скали е строго забрането. Секој кој ќе биде забележан да седи на скалите, ќе биде опоменат од обезбедувањето, и доколку не го заземе своето место, ќе биде отстранет од стадионот. Апелираме навивачите спортски да го поддржат нашиот тим во согласност со прописите и законот, без извици и пароли на национализам и расизам, соопштија од Вардар.
Натпреварот Вардар - Реал Сосиедад од 3.коло во Лига Европа се игра утревечер со почеток во 19 часот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација