Антонио Гутереш положи заклетва за генерален секретар на Обединетите нации
Поранешниот премиер на Португалија Антонио Гутереш положи заклетва на функцијата генерален секретар на Обединетите нации, која ќе ја презеде од Бан Ки-мун на 1 јануари 2017 година.
Вториот петгодишен мандат на оваа функција на Бан му завршува на 31 декември, а за време на специјалната пленарна седница, му беше оддадена почит на Бан за неговите заслуги и достигнувања.
Поранешниот комесар за бегалци на ОН беше избран со акламација во Генералното собрание на ОН во октомври, откако претходно ја доби довербата во Советот за безбедност.
Гутереш (67) станува деветиот генерален секретар на ОН во нејзината 71-годишна историја, а неговиот мандат е на пет години со можност за реизбор.
- Јас сум целосно свесен за предизвиците со кои ОН се соочуваат, како и за ограничувањата кои ги има функцијата генерален секретар, изјави Гутереш во неговото прво обраќање до Генералното собрание по неговото именување за генерален секретар.
Тој рече дека драматичните проблеми во денешниот комплексен свет можат само да инспирираат „понизен пристап“, затоа што генералниот секретар сам ниту ги има сите одговори, ниту сака да ги наметне своите гледишта. пристап со кој генералниот секретар ќе овозможи простор за работа, ќе се постави како обединувач, посредник, градител на мостови и чесен посредник за да помогне во изнаоѓање решенија, од кои ќе имаат корист сите кои се вклучени.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари