Живот
18. February 2016 - 10:51

Антонија со победнички настап повторно фасцинираше во Пинкови Ѕвездички

Во новата епизода на „Пинкови Ѕвездички“ нашата Антонија Гиговска со сиот свој музички талент ги одушеви сите.

Младата скопјанка овојпат го изведе хитот „Врати ми го сонцето“ на Александра Јанева која во 2013 година триумфираше на „Макфест“.

-Гласот ти е како „катедрала“, секоја чест, искоментира Хари Мата Хари, а по него Јелена Томашевиќ додаде дека Антонија имаше маестрален победнички настап.

Со сите пет гласа од жирито и огромни аплаузи од публиката во студиото, Антонија продолжува во шестиот круг на овој музички натпревар.

Еве ја најавата за 24 епизода од најгледаното регионално музичко шоу „Пинкови Ѕвездички“.